18/3/11

Recomendacións en Radioleiros

logo recomendacións en radioleirosTítulos recomendados o venres 18 de marzo:
- Infantil (a partir de 11 anos):
"A filla do ladrón de bicicletas" de Teresa González Costa e ilustracións de Jacobo Fernández Serrano, editado por Xerais (Premio Merlín de literatura Infantil 2010)Cuberta do libro A filla do ladrón de bicicletas

A filla do ladrón de bicicletas conta a historia dunha nena chamada Serafina, que é filla dun ladrón de bicicletas e vive coa súa tía, dona Perfecta. Serafina quere ser equilibrista nun circo coa súa bicicleta, Celerífera, pero súa tía considera que andar en bicicleta non é elegante, senón que é unha extravagancia. Milo o amigo de Serafina e Elías (gran inventor e mecánico de bicicletas) terán que axudarlle porque pola vila corre un perigoso rumor. É unha obra divertida, chea de diálogos que combinan tenrura e humor e que nos presentan uns personaxes moi cercanos.

- Mozos-as e adultos-as:
"Grandes aventureras" de Alexandra Lapierre, en Blume.cuberta do libro grandes aventureras
Grandes aventureras é a biografía de trinta e unha mulleres, de diferentes nacionalidades, exploradoras de todo o mundo. Mulleres que decidiron viaxar, que abandonaron a súa casa e o seu país para coñecer outras terras e costumes, unhas que decidiron escribir e contar o que vían, outras que por amor abandonaron a súa pracenteira vida. Son moitas e moi diferentes, con distintos motivos e intereses. As grandes aventureiras son mulleres que querían ser xeógrafas, botánicas, etnólogas, antropólogas, etc. Libro de gran formato, con moitas ilustracións e fotografías de lectura amena é entretida.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

16/3/11

Ler para saber A CIENCIA: 18 de marzo

Foto do cartel de Ler para saberEsperámoste na Biblioteca Central Rialeda (2º andar), o venres 18 de marzo ás 18,30, para participar nesta actividade dirixida a nenos e nenas a partir de 10 anos, adolescentes e público en xeral.

Aldara Dubre e Sergio Cabeza, do Colexio Público Valle-Inclán de Perillo, falarán sobre "Os músculos" previamente á charla “Soluble ou insoluble?” a cargo de Óscar Cabeza Gras, profesor da Universidade da Coruña, Departamento de Física, Área de Física Aplicada

Seleccionamos para ti libros para esta charla científica.

Celebración do Día da Poesía (21 de marzo) na Biblioteca de Dorneda

Foto da Biblioteca de DornedaCon motivo da celebración do Día da Poesía o 21 de Marzo, na Biblioteca Pública Municipal “Mª José Ruso” de Dorneda teremos as seguintes actividades dirixidas a todos os usuari@s.

“Dáme un verso"
Os-as usuarios-as terán que escribir un verso ou unha poesía que tanto pode ser copiada como da súa propia creación. Todos os versos aportados serán expostos en diferentes sitios da biblioteca. Realizarase ao longo de todo o mes de Marzo.

"Entendemos a poesía"
Partindo dunhas poesías que lles damos aos usuarios-as, teñen que lela e facer un debuxo alusivo ao tema do que trata. Con estes debuxos faremos unha exposición. Realizarase ao longo de todo o mes de Marzo.

“Exposición bibliográfica”
Selección de fondos para adultos e para o público infantil e xuvenil.

15/3/11

Taller de iniciación ao cómic na Biblioteca "Rosalía de Castro" de Santa Cruz

Foto de Xosé Tomás e a Biblioteca de santa CruzO mércores, 16 de marzo, ás 10 e ás 11.45 horas, na Biblioteca Municipal “Rosalía de Castro” de Santa Cruz realizaranse dous talleres de iniciación ao cómic co ilustrador Xosé Tomás, dirixidos a alumnado de 4º de Primaria, do CEIP Isidro Parga Pondal de Santa Cruz, para explicarlles, de forma sinxela, os pasos principais que se deben levar a cabo á hora de deseñar unha historieta: guión, viñetas e personaxes, expresións anímicas e faciais (alegría, ira, tristeza, etc), como debuxar o movemento, deseño dos planos, coloreado, etc. Todas estas nocións estarán adaptadas á idade do alumnado.

Os obxectivos que se pretenden conseguir son que estes alumnos e alumnas aprendan diferentes técnicas (adaptadas á súa idade) para a realización dunha obra de banda deseñada, fomentar a creatividade e a imaxinación a través das actividades plásticas e promover a lectura de cómics e obras de banda deseñada.

Biblioteca de Montrove: Celebración do ano Cunqueiro

foto de Álvaro CunqueiroNo 2011 hai unha importante cita co universo literario e biográfico de Álvaro Cunqueiro, celebramos o centenario do nacemento do escritor: na Biblioteca "Federico García Lorca" de Montrove temos unha exposición bibliográfica adicada ao autor mindoniense, cos libros que hai na biblioteca da súa autoría ou sobre a súa poliédrica figura: O incerto señor don Hamlet, Escola de menciñeiros, Os outros feirantes, A cociña galega, As crónicas do sochantre, Merlín e familia, Xente de aquí e de acolá, etc.

Día da poesía na Biblioteca "Xograr Mendiño" de Lorbé

poema de Lois PereiroCo gallo do día da poesía (21 de marzo), na Biblioteca "Xograr Mendiño" de Lorbé, farase unha selección de fondos para adultos e público infantil e xuvenil. Exporánse pola biblioteca fragmentos de poesías, especialmente de Álvaro Cunqueiro; e animarase aos usuarios a intentar escribir un poema, o mellor acadará un premio. Adicado ao público en xeral celébrarase do 10 ao 22 de marzo.

Fondos expostos:
- BABARRO GONZÁLEZ, Xoán: Mouchiño Mou. Vigo: Galaxia, 2007 (X-P-G BAB mou).
- CAMPO, Marica: Sextinario: trinta e seis+tres. Santiago: Sotelo Blanco, 2008 (P-G CAM sex).
- CUNQUEIRO, Álvaro: Mar ao Norde. Cantiga Nova que se chama Riveira, Poemas do si e non. Poesías 1932-1933.Vigo: Galaxia, 2004.
- JIMÉNEZ, Juan Ramón: Verde Verderol. Zaragoza: Edelvives, 2006 (X-P JIM ver).
- MAYORALAS, Pilar e CAÑETE, Mónica (il): Os poemas da gata Florenta. Vigo: Do Cumio, 2007 (X-P-G MAY poe).
- PASCUAL CARBALLO, Alberto e OCAÑA MARTÍNEZ, José Antonio (il.): A neve do tempo. Vigo: Xerais, 2007 (P-G PAS nev).
- Poetas galegos do século XX: antoloxía. Culleredo: Espiral Maior, 2004 (P-G POE poe).
- RAMIREZ LOZANO, José Antonio e BLANCO, Riki (il.): Sopa de soño e outras receitas de cocociña. Pontevedra: Kalandraka, 2004 (X-P-G RAM sop).
- RUANO, Charo: Catalina lina luna. Salamanca: Amarú, 1993 (X-P RUA cat).
- Sonido y palabras=sons i paraules=hotsak eta hitzak=sons e palabras. Madrid: OEPLI, 2007 (X-P SON son).

14/3/11

Tertulia literaria en Rialeda: 16 de marzo (Grupo B)

Na Biblioteca Central Rialeda (Casiña de Actividades)
Hora: de 17,30 a 19,30

Comentaráse a obra "Memorial del convento" de José Saramago

Documentación sobre a obra
Obras de José Saramago nas nosas bibliotecas

Hora do conto: do 14 ao 18 de marzo

Logo hora do conto Aquí tes a programación desta semana da hora do conto,
PASARALO MOI BEN ESCOITANDO CONTOS!!!
Biblioteca Pública Municipal "Mª José Ruso". Dorneda
Luns 14 de marzo
CONTACONTOS: Andrea Bayer
TÍTULOS: “A ra da boca grande”, “A vaca que puxo un ovo”, “O segredo do rei Curro”, “Paco Trolas”

Biblioteca Pública Municipal "Manuel María". Oleiros
Martes 15 de marzo
CONTACONTOS: Paula Carballeira
TÍTULOS: " A lagoa das voces", "A ra que quería ser princesa"

Biblioteca Pública Municipal "Rosalía de Castro". Santa Cruz
Mércores 16 de marzo
CONTACONTOS: Ramiro Neira
TÍTULOS: “A velliña e a fada”, “A princesa e o campesiño”

Biblioteca Central "Rialeda". Perillo
Xoves 17 de marzo
Para nenos-as menores de 6 anos:
CONTACONTOS: Rato Camifuco da Compañía do Trinke Trinke
TÍTULOS: “Ire”, “O regalo”, “Un libro (conto francés)”
Para nenos-as maiores de 6 anos:
CONTACONTOS: Soledad Felloza
TÍTULOS: Vidas insólitas a través de: ”Bombástica naturalis”, “El insólito ascenso de Madame Pôl”, “Quasibolo”

Biblioteca Pública Municipal "Mª José Trincado". Mera
Venres 18 de marzo
CONTACONTOS: Ramiro Neira
TÍTULOS: “Mintes”, “Gobán, o carpinteiro”

Celebración do Ano Internacional da Química na Biblioteca de Lorbé

Logo do ano internacional da químicaDesde o 15 de febreiro ao 15 de marzo, celebraremos o Ano Internacional da Química na Biblioteca "Xograr Mendiño" de Lorbé, que consistirá nunha pequena exposición cos fondos sobre química que posúe a Biblioteca, con ela preténdese que o público en xeral se achege a esta ciencia.
- CHISHOLM, Jane e JOHNSON, Mary: Introducción a la Química. Madrid: SM, 1986 (X-54 CHI int).
- GODMAN, Arthur: Diccionario ilustrado de la Química. Madrid: Everest, 1986 (54 GOD dic).
- JENNINGS, Terry: Química fácil. Madrid: SM, 1987 (X-54 JEN qui).
- LLANSANA, Jordi: Atlas básico de Física y Química. Barcelona: Parramón, 2003 (X-53 LLA atl).
- RODRÍGUEZ LÓPEZ, Álvaro: Química e medio ambiente. [s.l.]: Plana, 1994 (504-G ROD qui).