3/3/12

Hora do conto: do 5 ao 8 de marzo

Aquí tes a programación desta semana da hora do conto,
Todas as sesións son ás 18:30 horas.
Biblioteca Pública Municipal "Mª José Ruso". Dorneda
Luns 5 de marzo
CONTACONTOS: Eduvía
TÍTULOS: "Contacontos pola convivencia e a igualdade": “Gatiño negro-branco”, “O vello e o neno”, "Non se permiten rapazas", "A princesa Elisabeth", "Neno ou nena "






Biblioteca Pública Municipal "Federico García Lorca". Montrove
Martes 6 de marzo
CONTACONTOS: Soledad Felloza
TÍTULO: "Ernesto", "O libro dos porcos", "Un mundo de mamás", "Corre, Mary corre"

Biblioteca Pública Municipal "Xograr Mendiño". Lorbé


Mércores 7 de marzo 
CONTACONTOS:  Ratiña Carolina da Compañía do Trinke Trinke
TÍTULOS: “Fab, o monstro amarelo “, “Gato Guille e os monstros”

Biblioteca Pública Municipal "Rosalía de Castro". Santa Cruz
Mércores 7 de marzo
CONTACONTOS: Andrea Bayer
TÍTULOS: “A bruxa Mimi “, “Monstros divertidos”, “Os dous corcovados”, “As pousadeiras do rei” 

Biblioteca Central "Rialeda". Perillo
Xoves 8 de marzo
CONTACONTOS: Marisa Irimia
TÍTULOS: "A miña veciña éche unha bruxa (Historia dunha rapaza valente)", "A pirata escarlata"

(AVISO: Os títulos programados poden sufrir variacións en función do público asistente)

2/3/12

Novidades DVD Cine en Rialeda: marzo 2012

14 novos títulos para empezar o mes
Achégate polo 2º andar da biblioteca ou consulta o listado online


Podes reservar algún título en caso de atoparse prestado, a través do catálogo
(necesario iniciar sesión) 

Recomendacións en Radioleiros: 2 de marzo

- Xuvenil:
"Oliver Twist" de Charles Dickens, editado por Galaxia.
Un neno orfo criado nun hospicio vai medrando no medio dun montón de dificultades e aventuras.

- Mozos/as e adultos/as:
"Gilead" de Marilynne Robinson, editado por Galaxia Gutemberg.
Un pai que ve próxima a hora da súa morte escríbelle unha emotiva carta de despedida ao seu fillo de sete anos.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

29/2/12

Ler para saber A CIENCIA: 2 de marzo

Esperámoste na Biblioteca Central Rialeda (2º andar), o venres 2 de marzo ás 18:30, para participar nesta actividade dirixida a nenos e nenas a partir de 10 anos, adolescentes e público en xeral.
Primeiramente, Ana Varela Ortega, alumna de 1º de ESO do IES Miraflores de Oleiros e Daniel Sánchez, alumno de 1º de ESO do IES Neira Vilas de Perillo, realizarán unha breve presentación sobre “O espazo”.
A continuación terá lugar a conferencia do arqueólogo Antón Fernández Malde, director da equipa de investigación do Castro das Travesas, que falará nesta charla científica de “Petróglifos de Pena Furada”.
Despois de dúas décadas do achádego de A Moura, a enigmática figura feminina presente no xacemento da Pena Furada, o arqueólogo Antón Malde vainos pór ao día das últimas investigacións deste singularísimo emprazamento: a particular incidencia da luz solar neste conxunto arqueolóxico e o seu simbolismo, así como a concepción arquitectónica e o proceso construtivo deste castro, dotan a este lugar dunha especial relevancia. Tamén o fan peculiar, a implicación social e cidadá do entorno que Malde e a súa equipa perseguen con este proxecto, así como de toda a sociedade, a través da Internet.
Seleccionamos para ti libros e web para esta charla científica.

27/2/12

"Feirantes" en Rialeda: mércores 29 de febreiro

Na Biblioteca Central Rialeda (2º andar)
2 sesións: 10,30 e 12,30 h.

Actividade dirixida ao alumnado de 1º e 2º de ESO do I.E.S. Neira Vilas

Contacontos baseado na obra "Os outros feirantes" de Álvaro Cunqueiro, representado pola Compañía Artestudio Teatro.

En "Feirantes" mistúranse dous momentos diferentes no tempo: o pasado e o presente, no que atopamos dous feirantes, dous titiriteros condenados a viaxar no tempo, a reaparecer en cualquera feira, en cualquera momento para volver a representar o seu repertorio, musical e de historias vividas.
Aviso importante: durante as sesións quedarán fora de servizo os ordenadores da citada sala da biblioteca.

Obradoiro de Creación Literaria na Biblioteca Central Rialeda (2ª sesión): martes 28 de febreiro


O día 28 de febreiro, ás 18.30 horas, na Biblioteca Central Rialeda, terá lugar a 2º sesión do Obradoiro de creación literaria impartido polo escritor e profesor Xavier Seoane
Está dirixido a mozas/os (a partir de 15 anos) e adultas/os, realizarase os martes e terá unha duración de dez sesións. 
As prazas son limitadas. É imprescindible inscribirse na biblioteca chamando ao teléfono 981 639 511 ou a través do correo electrónico biblioteca.rialeda@oleiros.org
Importante: esta actividade ten prezo público para as persoas non empadroadas no Concello de Oleiros.
É unha iniciativa da Concellería de Cultura de Oleiros e da Asociación de Escritores en Lingua Galega e con ela preténdese animar a escribir textos literarios mediante a manipulación de formas lingüísticas e a imitación de modelos expresivos da nosa tradición literaria, aos que podemos chegar mediante o xogo e a descuberta da nosa propia creatividade.

IMPORTANTE: A actividade realízase no 2º andar da biblioteca. Durante a mesma quedan fora de servizo os ordenadores da citada sala.

Las ingeniosas del Hidalgo: martes 28 de febreiro no Teatro As Torres de Santa Cruz

No Teatro As Torres de Santa Cruz
Hora: 10,30.

Actividade dirixida ao alumnado de bacharelato do Instituto María Casares

A través de varios monólogos curtos nos que dramatiza diferentes personaxes femininos da obra de Cervantes, nárranse diversos capítulos de “El Quijote” nos que as mulleres teñen un certo protagonismo: 
- Quiteria, que en plena voda con Camacho o rico, recorda o seu amor a Basilio, o pobre. 
- A pastora Marcela, na que destaca o seu discurso co que finalizaba as charlas cos seus namorados.  
- Claudia Jerónima Cervantes, na que está personalizada a liberdade da muller, con límites tan amplos nos que cabe un erro tan grave como a morte.

IMPORTANTE: A actividade realízase no 2º andar da biblioteca. Durante a mesma quedan fora de servizo os ordenadores da citada sala.

Tertulia literaria en Santa Cruz: luns 27 de febreiro

Na Biblioteca e Centro de Documentación da Muller "Rosalía de Castro" de Santa Cruz
Hora: de 18,30 a 20

Comentario da obra "El Gatopardo" de Giuseppe Tomasi di Lampedusa
Obras de Giuseppe Tomasi di Lampedusa nas bibliotecas do Concello de Oleiros