9/3/12

Hora do conto: do 12 ao 16 de marzo

Aquí tes a programación da hora do conto do 12 ao 16 de marzo,
Todas as sesións son ás 18:30 horas.
Biblioteca Pública Municipal "Mª José Ruso". Dorneda
Luns 12 de marzo
CONTACONTOS: Pablísimo
TÍTULOS: "Contos para pasar a tardiña": "O nacemento do dragón", "Os narices do rei", "A princesa e o chícharo"

Mércores 14 de marzo
CONTACONTOS: Soledad Felloza
TÍTULOS: “¡El mirlo!“, “La oruga glotona”, “Un beso antes de desayunar” 

Xoves 15 de marzo
TÍTULOS: "A ratiña presumida: conto popular", "Nadarín"

Biblioteca Pública Municipal "Mª José Trincado". Mera
Venres 16 de marzo
CONTACONTOS: Pablísimo
TÍTULOAS: “Contos con cornos”: "O dragón e a bolboreta", "Pequerrecho pequerrechiño", "A vaca na baca" 

(AVISO: Os títulos programados poden sufrir variacións en función do público asistente)

Recomendacións en Radioleiros: 9 de marzo


- Infantil:
Editado pola Faktoría K
Unha historia de superación a través dos animais cunhas magníficas ilustracións que fan deste libro unha opción estética de primeira orde.
- Mozos/as e Adultos/as:

Mulleres na guerrilla antifranquista galega, de Aurora Marco
Editado por Laiovento
Un estudo histórico pioneiro sobre a participación da muller nas actividades guerrilleiras en Galiza contra o franquismo. Novidoso pola perspectiva desde a que parte,escrito por unha muller e enfocado a tratar o papel da muller nun proceso sempre caracterizado pola óptica masculina. Aporta multitude de datos que contextualizan un aporte imprescindíbel e até agora minusvalorado.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

8/3/12

Actos do Día Internacional da Muller Traballadora

Conmemoración do Día Internacional da Muller Traballadora no Teatro As Torres de Santa Cruz


Martes 13 de marzo, ás 19.00 h.: Conferencia: "Narradoras cubanas e o discurso feminino en Cuba"
Intervirán:
- Mirta Yáñez, escritora e profesora cubana
- Carmen García-Rodeja, profesora do IES Neira Vilas de Perillo

Xoves 22 de marzo, ás 19.00 h. : Presentación do libro: "Mulleres na guerrilla antifranquista galega"
Intervirán:
- Aurora Marco, autora da obra e profesora
- Francisco Pillado, director da editorial Laiovento e escritor
Proxectaráse o documental "As silenciadas", dirixido por Pablo Ces


E ademáis:

Ao longo do mes de marzo distribuiremos a Guía de Lectura "Axóuxeres, bicos, ... e noites sen durmir"
Elaborada polo Sistema de Bibliotecas Públicas Municipais co obxectivo de que as nais e pais accedan mellor ao coñecemento de como enfrontarse a unha experiencia única e extraordinaria como é o nacemento dun fillo ou filla.
Todos os fondos atoparánse nas bibliotecas municipais.


E en data por determinar, organizaráse un Roteiro Cultural e Literario
Un recorrido-homenaxe por distintos lugares do municipio nos que viviron diferentes mulleres ilustres, como Emilia Pardo Bazán, Sofía Casanova, María Casares e Juana de Vega.
Visitaremos distintos lugares como o Castelo de Santa Cruz, etc..
Prazas limitadas. Inscrición obrigatoria nas Bibliotecas Municipais.

7/3/12

Ler para saber A CIENCIA: 9 de marzo

Esperámoste na Biblioteca Central Rialeda (2º andar), o venres 9 de marzo ás 18:30, para participar nesta actividade dirixida a nenos e nenas a partir de 10 anos, adolescentes e público en xeral.
Primeiramente, Paula Martínez, Amanda Muñoz, Alicia García, Pepa Mata e Xes Garbajosa, alumnas/o do CEIP Valle-Inclán de Perillo xunto con Nacho García, alumno do CEIP Vales Villamarín de Betanzos  realizarán unha breve presentación sobre “A mitoloxía grega: os seres mitolóxicos”.

A continuación, a doutora Socorro Castro García, profesora titular da Universidade da Coruña, Departamento de Química Fundamental, área de Química Inorgánica, nos ofrecerá a charla científica titulada “Queres xogar con sólidos, líquidos e gases? Evapórate!”.

Seleccionamos para ti libros e DVD para esta charla científica.

5/3/12

Dickens e a lanterna máxica: expo bibliográfica do escritor de Portsmouth no bicentenario do seu nacemento

Charles John Huffam Dickens, naceu en Potsmouth un 7 de febreiro de 1812. Celebramos este ano 2012 o bicentenario do nacemento dun dos grandes clásicos. Este extraordinario creador de caricaturas, lembremos a Scrooge, Mrs. Gamp, Charles Darnay, ou Oliver Twist, soubo retratar de xeito excepcional a cidade de Londres, importante fonte de inspiración á que adoitaba chamar "lanterna máxica". Nas súas novelas constitúe un personaxe máis á que lle insufla vida coa descrición do ambiente, a xente, a frouma... Dickens foi un autodidacta e gran lector, adiantado da novela por entregas, puxo no foco a explotación infantil, a miseria das condicións de vida do proletariado, a corrupción, as carencias en educación e sanidade dos/das máis pobres. A Biblioteca Central Rialeda adícalle unha exposición bibliográfica para celebrar este bicentenario. Poderás levar en préstamo os textos máis coñecidos do autor inglés (algúns en lingua galega, castelán ou inglés), a película Oliver Twist, interpretada entre outros por Alec Guinness, Robert Newton e Francis L. Sullivan, así como guías de viaxe sobre a súa amada cidade de Londres, sede dos XXX Xogos Olímpicos, neste 2012.

As nosas bibliotecas, destacadas na páxina web do CILIJ

O Centro Internacional del Libro Infantil y Juvenil (CILIJ) da prestixiosa Fundación Germán Sánchez-Ruipérez, a través da súa nova páxina web, destaca ao Sistema de Bibliotecas Públicas Municipais do noso Concello.


A Fundación Germán Sánchez-Ruipérez é unha institución privada e independente sen fins de lucro creada en 1981 polo editor español Germán Sánchez-Ruipérez. Adicada á actividade educativa e cultural, centra a meirande parte dos seus programas na difusión e extensión da cultura do libro e da lectura.