30/12/13

8 xaneiro: inicio 2º trimestre da Tertulia Literaria en Rialeda (Grupo A)

http://www.oleiros.org/c/document_library/get_file?p_l_id=65429&folderId=122717&name=DLFE-17002.pdfNa Biblioteca Central Rialeda (Casiña de actividades)
Hora: 17,30 a 19,30 h.

Comenzamos o 2º trimestre nas Tertulias literarias da Biblioteca Central Rialeda no Grupo A.
 
 - "El tren pasa primero" de Elena Poniatowska

Datas:
- Xaneiro: días 8 e 22
- Febreiro: días 5 e 19
- Marzo: días 5 e 19

 Pode apuntarse á actividade:
- A través da páxina web do Concello de Oleiros.
- Persoalmente na Biblioteca Central Rialeda.
- Por teléfono (981 639 511) no horario da biblioteca.


Nestes intres o grupo está completo, polo tanto as/os interesadas/os pasarán a formar parte da lista de espera.

27/12/13

Recomendacións en Radioleiros: 27 de decembro

http://www.oleiros.org/web/concello-oleiros/comunicacion/radio/podcast/todo-esta-nos-libros
http://bmpg.rbgalicia.org/cgi-bin/koha/opac-detail.pl?biblionumber=90517- Infantil (nenos-as de 6 a 8 anos): 
http://bmpg.rbgalicia.org/cgi-bin/koha/opac-search.pl?q=rapazas+de+Xan&idx=ti "O Apalpador" de Xoán G., editado por Biblos. Un conto sobre un personaxe mítico galego, propio das zonas do Caurel ou Trives. É o Apalpador, un vello carboeiro que polo Nadal  baixa desde o monte onde vive ata as casas dos nenos e nenas para levarlle agasallos. Mentras dormen entra nos seus cuartos e primeiro mira se están ben mantidos e se o están bísballes amodiño: “Así esteades todo o ano!”, déixalles unha presa de castañas e os agasallos ciscados pola casa adiante para que pola mañán os nenos e nenas se entreteñan buscándoos.
- Mozos-as e adultos-as:
"As rapazas de Xan" de Manuel Iglesias Turnes, en Xerais.
Primeiro libro de Manuel Iglesias Turnes. É unha novela coral e realista que supón un documento histórico e etnográfico sobre a aldea galega de posguerra. Partindo da historia
de Carmela, unha moza que ten a súa filla en soidade, o autor sobrevoa a comunidade do lugar, descubrindo as ilusións e as perdas, os amores e os desamores dun tempo tan gris como opaco.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

26/12/13

"Lecturas para ti": dobremente premiado polo Ministerio de Educación, Cultura y Deporte

http://bibliotecasoleiros.blogspot.com.es/2013/04/premio-maria-moliner-as-bibliotecas.html
As Bibliotecas Municipais de Oleiros celebran que fosen dobremente premiadas na Campaña "María Moliner" convocada polo Ministerio de Educación, Cultura y Deporte, debido a que o seu proxecto de dinamización lectora titulado "Lecturas para ti" recibiu máis de 90 puntos. 
O obxectivo deste certame é recoñecer os mellores proxectos de animación á lectura levados a cabo por bibliotecas de municipios de menos de 50.000 habitantes. No mes de maio, as bibliotecas municipais de Oleiros recibiron unha comunicación de que o seu proxecto fora un dos 300 seleccionados de toda España para o  Premio María Moliner, polo que recibirían un lote de 180 libros infantís e xuvenís. 
Agora recibíuse outro comunicado da Secretaría de Estado de Cultura no que se indica que por obter este proxecto, 90 ou máis puntos, recibirá outros dos lotes de libros, un de 54 libros para adultos e outro de 46 de literatura infantil e xuvenil, xunto cun lector de libros electrónicos, 10 libros electrónicos e unha subscrición anual a 5 revistas culturais en papel: Scherzo, Descubrir el arte, Historia y vida, Letras Libres y Claves de la Razón Práctica.

23/12/13

Queres ler connosco?: Guía de lectura para o Nadal 2013

http://www.oleiros.org/c/document_library/get_file?p_l_id=14092&folderId=122559&name=DLFE-16955.pdf
http://www.oleiros.org/c/document_library/get_file?p_l_id=14092&folderId=122559&name=DLFE-16955.pdfAs Bibliotecas municipais de Oleiros elaboraron unha guía de lectura titulada “Queres ler connosco?”, formada por  281 recomendacións de libros, DVD e CD. Esta escolla foi realizada polo persoal das bibliotecas e nela pódense atopar publicacións moi diversas. 

Trátase dunha selección de creacións de autoras e autores galegos, españois e internacionais, para distintos gustos,  intereses,  preferencias  e idades.  Boas historias e bos libros para ler, observar ou mirar, películas e discos para gozar e compartir. 

Desde as bibliotecas municipais ofrécese esta guía de lectura cun dobre obxectivo: presentar obras de calidade literaria, artística ou científica para animar a súa lectura, audición ou visionado e lembrar que un libro, un CD e un DVD son tamén un bo agasallo. 

Son 281 libros, DVD e CD que hai nas bibliotecas municipais e que se poden levar en préstamo para as casas. Uns divirten, outros emocionan, fan pensar, provocan a reflexión ou aportan novos coñecementos. Os libros figuran clasificados por idades, para as que se considera que son máis axeitados. A idade para a que se recomenda cada obra é só de forma orientativa, xa que cada  nena ou neno ten un grado de desenvolvemento mental que debemos respectar.   

Publicáronse 2000 exemplares que se van repartir ao alumnado de educación primaria dos centros de ensino público deste Concello, así como nas bibliotecas municipais. En formato dixital vaise enviar aos institutos para que a distribúan entre o seu alumnado e profesorado, a todos os socios e socias das bibliotecas que teñan correo electrónico e os/as que o desexen tamén a poderán baixar da web municipal ou do blog das bibliotecas

Animamos a todas as persoas, que vaian facer algún agasallo por estas datas de Nadal ou Reis, a que obsequien  aos seus seres queridos cun libro, disco ou película. Gustaríanos que os/as que teñen vacacións que dediquen parte do seu tempo a ler algún libro; pero principalmente os nenos/as, adolescentes e mozos/as e lembramos da importancia da lectura na formación integral da persoa. O gusto por ler non é innato, vaise adquirindo pouco a pouco, polo que desexamos contribuír a espertar unha sensibilidade que faga descubrir o pracer que pode proporcionar a lectura dun bo libro.  

Desde as Bibliotecas municipais de Oleiros desexamos transmitir os nosos mellores desexos de saúde, felicidade e prosperidade;  que o vindeiro ano traia boas novas e un mundo de ilusións e proxectos convertidos en realidades.

Calendario das Bibliotecas de Oleiros durante o Nadal 2013

http://www.oleiros.org/c/document_library/get_file?p_l_id=14092&folderId=122717&name=DLFE-16965.pdf
Queremos informar aos/ás nosos/as usuarios/as do calendario no que as bibliotecas municipais de Oleiros non abrirán ao público durante o Nadal 2013.
Aproveitamos para transmitir os nosos mellores desexos de saúde, felicidade e prosperidade; que o vindeiro ano traia boas novas e un mundo de ilusións e proxectos convertidos en realidades.
Biblioteca Central Rialeda. Perillo: estará pechada ao público os días 24, 28 e 31 de decembro e o 4 de xaneiro.
Biblioteca Municipal Rosalía de Castro. Santa Cruz: estará pechada ao público os días 24 e 31 de decembro.
Biblioteca Municipal Mª José Trincado. Mera: estará pechada ao público desde o 23 ao 27 de decembro (ambos inclusive) e tamén o 7 de xaneiro.
Biblioteca Municipal Mª José Ruso. Dorneda: estará pechada ao público desde o 30 de decembro ao 3 de xaneiro (ambos inclusive) e tamén o 13 de xaneiro.
Biblioteca Municipal Xograr Mendiño. Lorbé: estará pechada ao público os días 2 e 3 de xaneiro (ambos inclusive).
Biblioteca Municipal Ánxel Fole. Nós: estará pechada ao público desde o 23 de decembro ao 3 de xaneiro (ambos inclusive) e tamén o 13 de xaneiro.
Biblioteca Municipal Federico García Lorca. Montrove: estará pechada ao público desde o 23 de decembro ao 3 de xaneiro (ambos inclusive).
Biblioteca Municipal Manuel María. Oleiros: estará pechada ao público desde o 30 de decembro ao 3 de xaneiro (ambos inclusive). Ademáis, esta biblioteca, os días 20 de decembro, 10, 13, 14 e 15 de xaneiro, abrirá só pola tarde, en horario das 16 ás 20 horas.

Novidades dvd cine na Biblioteca Central Rialeda (decembro 2013)

http://www.oleiros.org/c/document_library/get_file?p_l_id=14092&folderId=122717&name=DLFE-16980.pdf
34 novos títulos para rematar o ano. Podes atopalos no 2º andar da Biblioteca Central Rialeda.

Preme sobre a imaxe para descargar a guía.

Todo o que debes saber sobre o teu corpo

https://picasaweb.google.com/112968433170961771213/ConeceOTeuCorpoExpoBibliograficaNaBibliotecaMunicipalRosaliaDeCastroSantaCruz?authuser=0&feat=directlink
Na Biblioteca Municipal Rosalía de Castro de Santa Cruz queremos dar a coñecer unha parte do material bibliográfico que hai na sección infantil da nosa biblioteca. Para iso creamos unha exposición bibliográfica titulada "Todo o que debes saber sobre o teu corpo", coa finalidade de axudar a coñecer as diferentes "pezas" das que consta o ser humano, ademáis de saber máis sobre algúns malos hábitos que debemos evitar como a obesidade, alcohol, tabaco e os seus efectos na nosa saúde. 
Atoparás libros para todas as idades, aprenderás como é e como funciona o noso organismo.
Coñecendo o teu corpo aprenderás a quererte máis a ti mesmo/a.

20/12/13

Recomendacións en Radioleiros: 20 de decembro

http://www.oleiros.org/web/concello-oleiros/comunicacion/radio/podcast/todo-esta-nos-libros
- Infantil e xuvenil:
 
"O raposo e a mestra" de Manuel O´ Rivas,  ilustracións de Jacobo Fernández Serrano en Xerais.
Fermosa e simpática obra que nos fala dun raposo chamado Pindo, un raposo solitario, que durmía todo o día nun leito de plumas, na súa cova da beiramar e soñaba que era un raposo voador. Os outros raposos tíñano por un bicho raro e murmuraban
http://bmpg.rbgalicia.org/cgi-bin/koha/opac-detail.pl?biblionumber=109357  que era fillo do lobo Petiso e a raposa Meiga. Gustáballe ver pórse o sol e escoitar a xente do mar, que adoitaba ser alegre e cantareira. Agochado entre os xuncos escoitaba os cantos das mulleres redeiras, pero Pindo tiña varios poderes: coñece as falas de todos os animais e as persoas e é quen de hipnotizar a calquera cos seus ollos de lanterna. O humano máis amigo del era o mariñeiro Serafín que lle contou que Rosa, a nova mestra, mandara facer un galiñeiro fantástico... 


Os que queiran saber o que acontece a continuación deberan ler este libro. Un gracioso e espléndido texto acompañado dunhas atractivas e orixinais ilustracións de Jacobo Fernández, realizadas tipo cómic. 


Excelente obra que achega os nenos e nenas á natureza, ao mesmo tempo que é unha homenaxe ao Monte Pindo que este verán sufriu un terrible incendio e tamén ás mestras. Recomendámolo para nenos e nenas a partir de 8 anos. É unha magnífica lectura coa que se van divertir moito e para todas as persoas que teñan que facer algún agasallo para estas idades, dicirlles que este é o mellor regalo que poden facer. 

- Mozos-as e adultos-as:

"Vento e chuvia: Mitoloxía da antiga Gallaecia" de Manuel Gago; ilustracións de Manel Cráneo; posfacio de Marco García Quintela, editado por Xerais.
Unha magnífica obra que nos introduce na mitoloxía da Idade do Ferro na Gallaecia. A través da creación literaria de Manuel Gago podemos coñecer dez deusas e deuses da antiga Gallaecia. Dous mil anos despois imaxina e escrebe os antigos mitos con deuses nomeados en linguas desaparecidas. Deusas e deuses adorados nos castros, nos montes e ao longo do territorio da Gallaecia. Parte do coñecemento aportado pola lingüística, a mitoloxía comparada e a arqueoloxía. 


Xunto cunhas excelentes ilustracións, preséntanos a:http://bmpg.rbgalicia.org/cgi-bin/koha/opac-detail.pl?biblionumber=109362Reue, deus que por onde pasa medra a vexetación e nacen mananciais; Bandua, coñecido como o amigo dos homes, o seu protector de cara aos grandes perigos do mundo; Cossue, un guerreiro temible e salvaxe; Nauia, a que se move por todos os ríos do país e coñece todas as ciencias; Lugoue, o que pensa que non é bo que un home só acumule moito poder, porque de canto máis poder se dispón, menos xenerosidade se ofrece; Berobreos, señor das augas; Poemana, a que se rexía polas leis do vento, da choiva, do sol e dos cabalos; Bormánico; o que coñecía os nomes de todas as plantas, a súa función e remedios para as persoas e os animais; Sulas Nantugaicas, son tres mulleres guapas e feas á vez, novas e vellas ao mesmo tempo, as que lembran para sempre a palabra dos tratos dos humanos; e Vesto Aloniego, o que era capaz de entrar a través dos túmulos no mundo do alén. 


Despois da mitoloxía aporta explicacións de como eran e como vivían os pobos da Idade do Ferro. Como nos di o propio autor, as historias de Vento e chuvia “representan o carácter case bipolar da mitoloxía e das lendas: por un lado transportan unha vella tradición, pero tamén explican o seu tempo. Foron concibidas para esa época de tensións e contradicións no mundo castrexo, cara ao século II antes de Cristo, na que os deuses parecen rebelarse contra ese proceso de xerarquización social que dá lugar a aristocracias”. No posfacio o profesor García Quintela explícanos que esta obra é unha creación de mitos, unha ficción que se inspira e que parte do oco do saber que deixou a Idade do Ferro no concernente ás historias que lle daban sentido cultural e mítico. Acláranos que estamos ante un xogo literario, xogar a encher o oco mitolóxico con literatura, tendo en conta que se axusta ás regras xerais da xénese dos mitos, pois cumpre dous aspectos esenciais das mitoloxías: os relatos presentan un fundamento xenealóxico e os mitos sempre están inseridos nunha tradición: procréanse de mitos, explícanse con outros mitos e dan lugar a novos mitos. 


Estamos ante unha obra apaixonante e que provoca emoción, que recrea e fai máis tanxible o noso pasado, un libro excelente para todos os afeccionados/as ao mundo dos castros e da mitoloxía, uns textos acompañados dunhas fantásticas ilustracións, todo nunha boa edición. Un libro que comezas a lelo e queres continuar para saber máis dese mundo fantástico, que recomendamos a súa lectura, pero tamén como un espléndido agasallo.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

18/12/13

Axóuxeres de Nadal: xoves 19 de decembro en Rialeda

http://www.oleiros.org/c/document_library/get_file?p_l_id=14092&folderId=36737&name=DLFE-16808.pdf
O xoves 19 de decembro, ás 18:30, terá lugar na Biblioteca Central Rialeda de Perillo, un contacontos moi especial, titulado "Axóuxeres de Nadal" para nenas/os a partir de 4 anos, a cargo da actriz e contacontos Soledad Felloza

 ESPERÁMOSTE!! 
BO NADAL e FELICES FESTAS a todos/as!!

Tertulia literaria en Rialeda: 18 de decembro (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario da obra "Una temporada para silbar" de Ivan Doig.
Documentación
Obras de Ivan Doig nas nosas bibliotecas.

A seguinte obra programada é "Piel de salitre" de Juan Mariñas.

Nota: con esta sesión remata o 1º trimestre das tertulias literarias no grupo B, retomándose a actividade o vindeiro 15 de xaneiro. 

17/12/13

O teatro de Manuel Lugrís: conferencia de Francisco Pillado

http://bvg.udc.es/ficha_autor.jsp?id=ManLugr%ED&alias=&solapa=biografia
http://gl.wikipedia.org/wiki/Francisco_Pillado_MaiorO mércores 18 de decembro, ás 12:45,  terá lugar a conferencia titulada "O teatro de Manuel Lugrís", a cargo do escritor Francisco Pillado. Participará o alumnado de 1º A, B e C de Bacharelato do IES Miraflores de Oleiros, e se celebrará n'As Torres de Santa Cruz. Manuel Lugrís foi homenaxeado co Día das Letras Galegas 2006. Naceu en Sada en 1863. Ten unha ligazón especial con Oleiros xa que con só 17 anos comezou a traballar como oficinista no seu concello. É o fundador do teatro galego, xénero que considera fundamental ao servizo da causa de Galicia. Entre a súa obra destaca: A Ponte (1903), na que critica a tiranía dos caciques. Mareiras (1904): o primeiro drama longo na historia da nosa dramaturxia. O Pazo (1917): comedia de asunto amoroso e de defensa da lingua.
+ info sobre Manuel Lugrís en http://www.filix.org/xove/manuel.html
 

Obradoiros de Curtametraxes no IES Miraflores no mes de decembro

Actividade dirixida ao alumnado de 4ª de ESO do IES Miraflores de Oleiros.

Obradoiro creativo impartido polo xornalista e  director de documentais Xes Chapela, premio González Sinde 2011 do Ministerio de Cultura e galardoado co Premio Mestre Mateo 2010 ao mellor longametraxe documental por Jazz en liberdade

- 11 de decembro: 10,30 h (1º sesión) e 12,30 h. (2ª sesión)
- 17 de decembro: 10,30 h (1º sesión) e 12,30 h. (2ª sesión)
- 18 de decembro: 10,30 h (1º sesión) e 12,30 h. (2ª sesión)
- 20 de decembro: 10,30 h (1º sesión) e 12,30 h. (2ª sesión)

Xes explicará conceptos como a sinopse, argumento, escenas... e a realización dunha curtametraxe.
 

16/12/13

Tertulia literaria en Santa Cruz: 16 de decembro

Na Biblioteca e Centro de Documentación da Muller "Rosalía de Castro" 
Hora: 18,30 a 20 h.

Comentario da obra "Novecento" de Alessandro Baricco.
Obras de Alessandro Baricco nas nosas bibliotecas.

A seguinte obra programada é "El abuelo que saltó por la ventana y se largó" de Jonas Jonasson.


Nota: con esta sesión remata o 1º trimestre das tertulias literarias nesta biblioteca, retomándose a actividade o vindeiro 13 de xaneiro. 

Recomendacións en Radioleiros: 13 de decembro

http://www.ipernity.com/doc/284673/28926371/in/album/418479
http://bmpg.rbgalicia.org/cgi-bin/koha/opac-detail.pl?biblionumber=108929- Infantil (nenas/os maiores de 8 anos) :
"A estrela de Oriente: unha historia dos Reis Magos" de Pemón Bouzas, en Xerais.
Retoma a historia dos Reis Magos pero converténdoa nunha historia multicultural, xa que cada un destes personaxes máxicos proveñen de xeografías distintas e moi afastadas: un deles chega das altas montañas de Oriente, outro é o príncipe das tribos do sur e o terceiro é un druída das nacións celtas do norte. Os tres, acompañados polo pequeno Aziz, seguen á Estrela de Oriente na súa peregrinación cara a Belén.  A súa lectura transmite valores aos nenos e nenas de todas as relixións.

 http://bmpg.rbgalicia.org/cgi-bin/koha/opac-detail.pl?biblionumber=96380- Mozas/os e adultas/os :
"La insólita amargura del pastel de limón" de Aimee Bender, editado por Lumen.
É unha  historia de sentimentos, cos que todos/as nos podemos identificar. Unha historia narrada desde a perspectiva dunha nena, Rose,  unha nena feliz, agradable, sociable, pero que, un día, cando está a punto de cumprir nove anos, proba a escondidas un anaco de pastel que súa nai cociñou para o seu aniversario. O que  ela espera é gozar do sabor do limón e o azucre, sen embargo sorpréndese cunha mestura de soidade e de tristeza na boca, descobre que pode adiviñar os sentimentos de quen cociña, e o descubrimento do seu don, ao medrar,  convértea nunha nena insegura.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

10/12/13

23 álbums ilustrados para ti

https://picasaweb.google.com/112968433170961771213/23AlbumsIlustradosParaTiExposicionDosMelloresAlbumsIlustradosDaEditorialJuventud?authuser=0&feat=directlink "23 álbums ilustrados para ti: exposición dos mellores álbums ilustrados da editorial Juventud". Na Biblioteca Pública Municipal "Mª José Ruso" de Dorneda podes contemplar esta exposición de libros infantís que destacan polos seus textos e unhas fermosas ilustracións. Ao carón de cada libro, (que podes levar en préstamo para casa; consulta a dispoñibilidade clicando nos títulos que ofrecemos a continuación) está exposta a cuberta e un breve comentario sobre o mesmo. Estes son os títulos que conforman a exposición: "Otto, el oso de libro", "El perro y la liebre", "¿Quién es como yo?", "Veo, veo una cosa de color... azul", "Qué leen los animales antes de dormir", "¡No interrumpas, Kika!", "Manualidades ecológicas para niños", "Cola, papel y tijeras", "La señora de los libros", "Cuentos por teléfono", "Tres gallinas y un pavo real", "Adivina en qué país ...", "Los tres cerditos", "Mío, mi pequeño mío", "El gran viaje de Darwin", "El gran libro de las emociones", "Biblioburro", "Un paseo con el señor Gaudí", "¿Cuándo se irán estos?", "Cuenta animales", "Delante de mi casa", "El globo amarillo", "El libro que se sentía solo". Lembrámosvos que o luns 16 de decembro, ás 18:30, Soledad Felloza, realizará o contacontos titulado "A señora dos libros", baseado nun dos contos que forma parte da exposición. Poderán participar os/as nenos/as maiores de 4 anos. 



Tertulia literaria en Rialeda: 11 de decembro (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario da obra "Cuatro hermanas" de Jetta Carleton.
Documentación
Obras de Jetta Carleton nas nosas bibliotecas.

A seguinte obra programada é "La noche de los tiempos" de Antonio Muñoz Molina.

Nota: con esta sesión remata o 1º trimestre das tertulias literarias no grupo A, retomándose a actividade o vindeiro 8 de xaneiro. 

9/12/13

10, 11 e 12 de decembro: Visitas do alumnado IES Isaac Díaz Pardo de Sada á Biblioteca Central Rialeda

Actividade dirixida ao alumnado de 2ª de ESO do IES Isaac Díaz Pardo de Sada.
Horario: de 10,45 a 13 h.

Explicaráselles a historia do edificio, coñecendo as diferentes salas e servizos, xunto cunha demostración audiovisual sobre o funcionamento do catálogo.

Ao remate das visitas, o actor Ramiro Neira de Artestudio Teatro realizará unha dramatización baseada nos relatos de Álvaro Cunqueiro.

Aviso importante: o 2º andar da biblioteca (Sala de audiovisuais e ordenadores) verá restrinxido o seu uso durante a visita do alumnado.

7/12/13

O Nadal nas bibliotecas de Oleiros

Clica na imaxe e descarga o programa
Está o Nadal chamando ás portas das bibliotecas de Oleiros: pasa e quenta á calor dos contos.
Biblioteca Pública Municipal "Mª José Ruso". Dorneda
Luns 9 de decembro, ás 18:30, contacontos para nenas/os menores de 4 anos, con Soledad Felloza, titulado "O globo amarelo".
Inauguración da mostra bibliográfica "23 álbums ilustrados para ti" cos mellores álbums ilustrados da editorial Juventud.
Luns 16 de decembro, ás 18:30, contacontos para nenas/os maiores de 4 anos, con Soledad Felloza, titulado "A señora dos libros".
 

Biblioteca Pública Municipal "Manuel María". Oleiros
Martes 10 de decembro, ás 18:30, Carmen Domech co espectáculo "Contacontos de libros contentos", para nenas/os menores de 10 anos.
Martes 17 de decembro, ás 18:30, Carmen Domech representará "Un bo rato con algúns ratos", dirixido a nenas/os menores de 10 anos.
 

Biblioteca Central Rialeda. Perillo
Xoves 12 de decembro, ás 18:30, contacontos para bebés a partir de 1 ano con Raquel Queizás, titulado "Nanocontos".
Xoves 19 de decembro, ás 18:30, contacontos para nenas/os a partir de 4 anos titulado "Axóuxeres de Nadal", con Soledad Felloza.
 

Biblioteca Pública Municipal "Rosalía de Castro". Santa Cruz
Mércores 18 de decembro, "Contos de Nadal" con Soledad Felloza
18:00 para nenas/os menores de 3 anos.
18:30 para nenas/os maiores de 3 anos.
 

Boas festas a todas/os!!!

4/12/13

Obradoiro "Leixaprem" n' As Torres de Santa Cruz: 5 de decembro

O Obradoiro de poesía "Leixaprem: Martín Codax" correrá a cargo do músico Juan Carlos Vázquez e participará o alumnado de 3º D de ESO do IES Miraflores de Oleiros, de 10:30 a 12:30. Celebrarase n' As Torres de Santa Cruz.
"Leixaprem" é un obradoiro de poesía, música e pintura a través do tempo (Século XIII - S. XXI). Unha actividade de creación poética a partir do poema de Martín Codax -"Eno Sagrad ́ en Vigo" (S. XIII)-, cantiga de amigo que emprega o paralelismo. As/os participantes escribirán e completarán unha cantiga medieval. A partir dun artificio formal, propiciado pola propia estrutura do leixaprem, elaborarán unha nova versión do poema “Eno sagrad’ en Vigo” de Martín Codax, acompañado de música modal con carácter improvisatorio.

3/12/13

Tertulia literaria en Rialeda: 4 de decembro (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario da obra "Amor de Artur" de Xosé Luis Méndez Ferrín.
Documentación

Nesta sesión contaremos coa presenza da profesora e catedrática de lingua e literatura galega Rosa García Vilariño.

A seguinte obra programada é "Una temporada para silbar" de Ivan Doig.

29/11/13

Recomendacións en Radioleiros: 29 de novembro

- Xuvenil (de 12 a 14 anos):

Son cinco relatos que abordan temas sobre nenas e nenos aos que se lles negan os dereitos básicos. Os textos que abren cada conto son adaptacións de artigos da Convención dos Dereitos da Infancia. 

Aakesh ten que sobrevivir buscando os alimentos nos contedores de lixo, Altair é explotada, o Meninho da rúa carece de identidade, Leila obrígana a casar cun home adulto e Carlos é un neno con discapacidades. Unha fermosa obra que aposta pola xustiza e a liberdade, deixando sitio para a esperanza. Un magnífico libro escrito con gran sensibilidade, no que presentan estas temáticas con tal delicadeza que o fan axeitado para adolescentes a partir de, aproximadamente, 12 anos. Esta obra foi incluída na Lista do Centro IBBY de Documentación para Nenos con Necesidades Especiais con sede en Oslo.

Fina Casalderrey, unha das mellores escritoras galegas de literatura infantil e xuvenil na actualidade, ven de ingresar hai uns días na Real Academia Galega. Desde as Bibliotecas Municipais de Oleiros queremos felicitala e darlle os nosos parabens. 


- Moz@s e Adult@s:

Cátedra (dispoñible tamén en Alianza, Altea e Unidad Editorial)

Foi publicada en 1859. É unha novela histórica sobre a Revolución francesa e a vida nesa época. Desenvólvese entre dúas cidades: Londres e París. Mentres que en Londres podían levar unha vida relativamente tranquila e representa a paz; en París é unha época de grandes cambios sociais e de axitación.

A obra esta formada por tres partes denominadas: “Vuelto a la vida”, “El hilo de oro” e “El rastro de una tempestad”.

Estamos no ano 1775, a moza Lucie Manette e o señor Lorry (un home que traballa no Banco Tellson, amigo da familia dende hai moito tempo) van a Francia a rescatar ao pai de Lucie, a quen crían morto. Estivera 18 anos recluído na prisión da Bastilla, no calabozo 105 da torre norte. Fora un médico de prestixio. Lucie trasládao a vivir con ela a Londres. Levan unha vida apracible, pero, no ano 1780, foron chamados como testemuñas nun proceso de traizón, o mozo Charles Darnay é acusado de ser espía ao servizo de Francia...

Destacan as descricións de personaxes e de lugares, xunto a unha gran ironía ao describir determinados feitos. Presenta unha crítica social e unha reprobación ás malas condicións de vida das clases máis baixas, a como eran oprimidas polos poderosos.

A obra explica o ambiente da Revolución francesa e as numerosas execucións realizadas, amosa a Revolución como un castigo á aristocracia pola explotación que realizaron ao pobo, sen ningún debate político nin filosófico e dándolle demasiado protagonismo ás clases populares. Transmítenos o seu rexeito da barbarie e da violencia, tanto da que realizan os poderosos como da das clases populares, ao mesmo tempo que nos fala das inxustizas e da pobreza dos oprimidos.

Estamos ante unha obra clásica da literatura universal, de espías e conspiradores, de heroes e fracasados, de conflitos sociais e de vinganzas, pero tamén de amor e de amizade.


Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

28/11/13

28 de novembro: Obradoiro "Leixaprem" nas Torres de Santa Cruz


Nas Torres de Santa Cruz celebrouse o obradoiro de poesía, música e pintura "Leixaprem" a cargo do músico Juan Carlos Vázquez.

"Leixaprem" é unha viaxe dende o século XIII, inspirada no poema de Martín Codax -"Eno Sagrad´ en Vigo" (S. XIII)-, cantiga de amigo que emprega o paralelismo.

É unha actividade dirixida ao alumnado de ESO dos centros públicos de ensino que consiste en escribir e completar unha cantiga medieval, elaborando asimesmo unha nova versión. Todo elo acompañado de música modal.

O xoves 28 de novembro foi realizada co alumnado de 3º C da ESO do I.E.S. Miraflores. Velaí unha imaxe do traballo realizado:




 

27/11/13

Exposicións bibliográficas na Biblioteca "Rosalía de Castro"

 
Na Biblioteca e Centro de Documentación da Muller "Rosalía de Castro" (Santa Cruz) podes contemplar as exposicións bibliográficas "As máquinas" e "25 de Novembro: día internacional contra a violencia de xénero", ambas dirixidas ao público infantil.

24/11/13

Hora do conto: de 25 a 29 de novembro

http://www.oleiros.org/c/document_library/get_file?p_l_id=14092&folderId=122549&name=DLFE-16222.pdf
http://bibliotecasoleiros.blogspot.com.es/search/label/Hora%20do%20ContoBiblioteca Pública Municipal "Mª José Ruso". Dorneda
Luns 25 de novembro
CONTACONTOS: Avoa Violeta da Compañía Trinke Trinke
TÍTULOS:  A buscar o que se perdeu: “Os catro amigos”, “Peluche”
Biblioteca Pública Municipal "Manuel María". Oleiros
Martes 26 de novembro
CONTACONTOS: Ramiro Neira
TÍTULOS: “As princesas tamén xogan ao fútbol” 


Biblioteca Pública Municipal "Rosalía de Castro". Santa Cruz
Mércores 27 de novembro
CONTACONTOS: Genma Pardo
TÍTULOS: Ven ao mundo do circo!!: “A pallasa Lola”, “Agustina, a pallasa”, "O gran amigo do ceo”
Biblioteca Central "Rialeda". Perillo
Xoves 28 de novembro
CONTACONTOS: Soledad Felloza
TÍTULOS: “Quen dixo medo?”
Biblioteca Pública Municipal "Mª José Trincado". Mera
Venres 29 de novembro
CONTACONTOS: Raquel Queizás
TÍTULOS:  “O amigo do pequeno tiranosauro”, “Orellas de coello”
(AVISO: Os títulos programados poden sufrir variacións en función do público asistente, todas as sesións son ás 18:30, dirixida a nenas e nenos de 3 a 10 anos)

22/11/13

Recomendacións en Radioleiros: 22 de novembro

http://www.oleiros.org/web/concello-oleiros/comunicacion/radio/podcast/todo-esta-nos-libros
http://bmpg.rbgalicia.org/cgi-bin/koha/opac-detail.pl?biblionumber=103840- Infantil (de 6 a 8 anos):
"Artur e Clementina" texto de Adela Turin e ilustracións de Nella Bosnia, editado por Kalandraka.
Narración escollida con motivo da celebración do Día Internacional contra a Violencia de Xénero: Tras a historia de dúas tartarugas, Artur e Clementina, que se namoran e se van vivir xuntos, está o proceso  por parte de Artur de intentar anular a Clementina, con pequenos detalles que semella facer para que ela se sinta máis feliz. A súa lectura leva aos-ás lectores-as,  sexan da idade que sexan, a pensar ata onde chega o namoramento ou o someterse ao namorado? Paga a pena vivir sometido cando a vida está chea de oportunidades, de praceres e sensacións? Clementina decide que non.
- Mozos-as e adultos-as:
"La grieta" de Doris Lessing, en Lumen.
Esta obra, unha das derradeiras da escritora recentemente falecida, está escrita como se dunha fábula para adultos-as se tratase, contada por un patricio romano que trata de explicar os inicios da vida na terra, nunha costa con rochas escarpadas onde viven femias capaces
de procrear soas sen varón, fecundadas pola Lúa. Toda a narración é unha alegoría que a propia Lessing recoñece que se lle ocurríu despois de ler un artigo científico no que se especulaba con que o primeiro ser humano tiña que ser unha muller. Estas primeiras mulleres habitantes das rochas, se daban a luz un varón, desfacíanse del deixándoo morrer nos cantís, pero as águias salvaban a moitos deles e así aparece unha comunidade de homes nun bosque cercano, que como é natural as mulleres rematan por atopar…
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.