21/6/13

Recomendacións en Radioleiros: 21 de xuño

- Infantil (a partir de dez anos):
"Non hai escapatoria e outros contos marabillosos" de Tim Bowley e Óscar Villán, en Kalandraka.
O narrador e contador británico Tim Bowley presenta dez historias sobre amores, humores e cobizas protagonizadas por criaturas máxicas, personaxes solitarios e membros da realeza con efectos sorprendentes. Bowley ten unha ampla experiencia como especialista en contos tradicionais e contador de historias. Coa colaboración de Óscar Villán, Premio Nacional de Ilustración (1999)
- Mozos-as e adultos-as:
"Magasin Général" de Loisel e Tripp, editado por Norma (3 volumes)
Compartindo guión e debuxo, estes dous autores canadianos traballaron en banda deseñada unha historia ambientada no Quebec rural nos anos posteriores á I Guerra Mundial. Aconteceres da vida diaria, novidades no pobo, afectos e liortas, todo visto cun
magnífico debuxo e uns textos moi logrados.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

19/6/13

Hai 1000 posts que nos coñecemos...

Cumprimos os mil primeiros posts. Comezamos o blog das Bibliotecas Públicas Municipais de Oleiros o 29 de abril de 2009. Con este, pasamos xa 1000 entradas, artigos... contigo. Este xeito de espallarse polo mundo encetou cunha breve nova, das 999 que viñeron logo, máis completas: máis información, imaxes, videos, ligazóns, etc. Máis experiencias que queremos que coñezas. Aquí seguiremos. Aí estaremos: no teu ordenador de sobremesa, portátil, tableta, teléfono intelixente. No mundo. Grazas por seguirnos. Grazas por facer biblioteca. 
Para celebralo compartimos contigo esta bonita historia dun somerxible...