Recomendacións en Radioleiros: 6 maio 2016

- Infantil (de 6 a 8 anos):

O conto dos silencios, de Silvia Pazos Hermida

Baía

Mostra as vivencias de Luv, un neno xordo que vive marxinado na cidade das Quintas na que todo está relacionado coa música. Luv medra convencido de que é invisible porque ninguén lle fai caso. Pero un día, sucede que alguén sí se fixa nel e Luv sente tanta vergoña que empeza a andar polas sombras, sempre de noite. O único que o facía sentir ben era chupar o zume das notas musicais. Tanto zume tomou que un bo día saliu da súa boca algo que ninguén antes  vira, algo sen o que hoxe a música sonaría dun xeito moi distinto… 

- Mozos/as e adultos/as:

A saga dun afiador, de Xosé Fernández Ferreiro

Xerais

Trátase da historia de Xandón, un rapaz das montañas de Ourense que dende moi pequeno aprende o oficio de afiador das mans dun “vello mestre” que o trataba moi mal, a el aos outros pupilos. A familia de Xandón estaba dividida por unha riña do pasado entre os descendentes da súa avoa, Amadora, coñecidos como os Cuatrás e os descendentes da curmá de Amadora, chamada Carolina, os Cuadiante. Contaban na aldea que Amadora lle roubara o pretendiente a Carolina, motivo polo que as dúas familias nunca máis se volveran a dirixir a palabra.

Ao máis estilo Shakespeareano, os Capuleto e os Montesco, transfórmanse nos Cuatrás e Cuadiante e Romeo e Xulieta en Xan e Carolina. Pero claro, esto non é a Italia na Idade Media, senón unha Chaira de Ourense a principios do século XX.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.