28/10/16

Recomendacións en Radioleiros: 28 outubro 2016

http://www.ipernity.com/doc/284673/43521306/in/album/863040
http://catalogo-rbgalicia.xunta.gal/cgi-bin/koha/opac-detail.pl?biblionumber=1086010- Infantil e xuvenil (a partir de 6 anos):

A avoa do ceo, de Anna Lavatelli; ilustracións de David Pintor
El Patito editorial

Hai ocasións en que dubidamos como explicarlle a un/unha neno/a pequeno/a que un ser querido faleceu, pois esta obra fálanos disto.

Emma quérelle moito a súa avoa e cando seu pai lle di que teñen que marchar para a casa ela pregúntalle se ela non ven con eles. Entón é cando a nai, colléndoa no colo, lle explica que agora a avoa está no ceo e que desde arriba sempre a estará vendo.
Cando chegan á casa, a nena proponlle ao seu can ir para o xardín porque desde alí vese todo o ceo  a ver se a atopan entre as nubes...


Un emotivo álbum cunhas fermosas ilustracións que nos fala da relación entre unha nena e a súa avoa.

http://catalogo-rbgalicia.xunta.gal/cgi-bin/koha/opac-search.pl?idx=&q=dia+independencia+richard+ford&branch_group_limit=- Mozos/as e adultos/as

El día de la independencia, de Richard Ford
Anagrama

Richard Ford é o actual Premio Princesa de Asturias de las Letras 2016.
Está considerado como un dos mellores escritores norteamericanos da actualidade. Un dos mellores retratistas, a nivel literario, do norteamericano medio. Fálanos de persoas normais, con vidas normais pero moi ben descritas.

Esta obra foi galardoada cos premios Pulitzer e PEN/Faulkner. Moitos críticos considerárona como a “gran novela americana” dos noventa. Consagrou definitivamente ao autor como un dos grandes novelistas norteamericanos do s. XX.

Nesta novela recupera a Frank Bascombe, o protagonista de “El periodista deportivo”. Estamos no verán de 1988. Bascombe segue vivindo en Haddam (Nova Xersei), pero non exerce de xornalista. Divorciouse e mantén unha relación sentimental con outra muller, Sally, da que non sabe se está namorado. A súa ex-muller volveuse a casar e os seus fillos viven con ela.

En primeira persoa, vainos contando o que lle acontece durante catro días mentres agarda ilusionado a chegada do fin de semana do 4 de xullo, Día da Independencia, que vai pasar en compañía do seu fillo Paul. Agora dedícase á compra e venta de casas e está buscando unha para uns clientes bastante desagradables.

Na última parte conta como recolle ao seu fillo, que xa ten 15 anos, e quere ir con el a visitar uns salóns deportivos  dedicados ao baloncesto e ao béisbol. Paul estase convertendo nun adolescente problemático e isto preocupa a Frank, porque teme polo seu futuro, por iso ten esperanzas de que esta viaxe lle sirva para unirse máis a el, para poder apoialo e aconsellalo.


Un bo libro que nos fala de inseguridades e de desesperación, pero tamén de humor e esperanza.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.


24/10/16

Sobres sorpresa, marionetas, contacontos, bebecontos e outras actividades para o Día da Biblioteca 2016

http://www.amigosdelibro.com/carteles-dia-biblioteca/item/1174-2016
O 24 de outubro é o Día da Biblioteca, para conmemorar esta data durante a semana levaranse a cabo unha serie de actividades en todas as bibliotecas municipais:

BIBLIOTECA CENTRAL RIALEDA. PERILLO

Libro de agasallo
Durante o día 24 de outubro todas as persoas que leven algún fondo bibliográfico (libro, DVD, CD, revista...) en préstamo daráselles un libro de agasallo.

Sobres sorpresa
A partir do luns 24 suxerimos unha “cita a cegas” con sobres-sorpresa que conteñen libros e películas ou libros e discos, baixo  títulos ficticios como “Bos e xenerosos”, “Que revolución!”, “Sen complexos”, “Un conto chinés”, “Aqueles marabillosos anos”, etc.
Queremos "xogar" coa curiosidade do lector ou lectora que leve o "sobre-sorpresa" en préstamo e contar coa súa complicidade.
Os distintos sobres contarán cun libro máis un DVD ou un libro máis un CD relacionados pola temática, argumento, lugares comúns, etc. Non o deberá abrir ata que chegue á casa.

Tertulias literarias
para mozos/as e adultos
Mércores 26 ás 17:30 horas: 1ª sesión para o grupo A na que se realizará unha actividade especial na que cada participante deberá tomar o rol dun/ha personaxe de novela, o resto de participantes terán que adiviñar quen se trata e a que obra pertence.

Bebecontos
para nenas e nenos de 1 a 4 anos
Xoves 27 ás 18:30 horas con Ramiro Neira, que contará o relato titulado “Pum!”. Imprescindible reservar praza no teléfono 981 639 511.


BIBLIOTECA PÚBLICA MUNICIPAL "Mª JOSÉ RUSO". DORNEDA

"Efervesciencia" Biotecnólogos na biblioteca
para nenas e nenos de 5 a 10 anos
Luns 24 ás 18:30 horas. Actividade de divulgación científica. Imprescindible reservar praza no teléfono 981 626 638.

BIBLIOTECA PÚBLICA MUNICIPAL ROSALÍA DE CASTRO. SANTA CRUZ

Teatro de marionetas "As tres raíñas magas"
para nenas e nenos de 5 a 10 anos
Mércores 26 ás 18:30 horas a cargo da compañía Trécola. Imprescindible reservar praza no teléfono 981 626 338.

A partir do luns 24 tamén se realizarán:

Cantos máis me leron
Leva un libro infantil, xuvenil ou de adultos para que sexan os/as teus amigos/as e familiares quenes os lean, animándoos dese xeito a que se acheguen á biblioteca e se fagan socios/as.

Dámosche unha frase… e ti creas unha historia
A través dunha frase tomada dun libro coñecido e que figurará no taboleiro de anuncios da biblioteca, tentaremos realizar unha pequena historia. Precisarase moita da túa imaxinación e observación. Este ano a frase tomaremola dunha obra de Agustín Fernández Paz, a xeito de homenaxe.

Nas demais bibliotecas levaranse a cabo:

Obradoiros de marcapáxinas
Cada usuario/a decorará un marcapáxinas ofrecido pola biblioteca, ou poderán elaborar os seus propios marcadores coa axuda dos libros de traballos manuais que hai nas bibliotecas.

Encrucillados e pasatempos
Atopa a palabra oculta e as diferentes cousas que se poden atopar ou facer na biblioteca.

Os teus debuxos
Todas as nenas e nenos que o desexen están invitados a realizar unha ilustración ou un debuxo sobre o último libro que leron.

Todas as actividades poderán consultalas na páxina web do Concello de Oleiros