23/3/18

Recomendacións en Radioleiros: 23 marzo 2018

 https://youtu.be/1Lxm8O_dx0I
https://catalogo-rbgalicia.xunta.gal/cgi-bin/koha/opac-detail.pl?biblionumber=1082899&viewallitems=1&offset=20&homebranch=&ob=barcode&sb=ASC- Infantil:
"Cor animal" texto de Agustín Agra e ilustracións de Maya Hanisch. En Faktoría K.
Usando o collage como técnica a chilena Maya Hanisch desenvolve as habilidades e curiosidades de trinta animais cun texto de Agustín Agra para nenas e nenos de seis anos en adiante. Gran valor pedagóxico para educar nos valores medioambientais.
- Mozas-os e adultas-os:
"China: la edad de la ambición" de Evan Osnos. Editado por El hombre del tres.
Unha testemuña da China actual da man deste xornalista que viviu varios anos neste país e soubo entender os seus parámetros sociolóxicos. Finalista do  Pulitzer e premiado co National Book Award de 2014.
https://catalogo-rbgalicia.xunta.gal/cgi-bin/koha/opac-detail.pl?biblionumber=1242289

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

22/3/18

"Libros para soñar": a expo itinerante de obras de Kalandraka xa está en Santa Cruz!!!

http://www.oleiros.org/c/document_library/get_file?p_l_id=65429&folderId=122717&name=DLFE-27640.pdf
https://photos.app.goo.gl/nKoCIHqUFaEvSHBH2Do 21 ao 28 de marzo poderás ver a exposición itinerante de 80 libros infantís e xuvenís publicados pola editorial Kalandraka na Biblioteca Municipal "Rosalía de Castro" (Santa Cruz). 

Moitos deles son obras clásicas da literatura infantil e xuvenil, entre os que podemos destacar títulos como: O coelliño branco, A cebra Camila, A que sabe a lúa?, A toupiña que quería saber quen lle fixera aquilo na cabeza...
 
A visita á exposición é libre. Esta expo viaxará despois á Biblioteca Municipal "Ánxel Fole" (Nós). Cada exposición vai acompañada dunha actuación que ten aforo limitado. É imprescindible reservar praza na biblioteca correspondente ou chamando por teléfono. O prazo de inscrición é de 10 días antes da data de celebración.

20/3/18

21 de marzo: día da poesía en Bibloleiros

http://www.yolandacastano.com/
Nas Bibliotecas Municipais de Oleiros celebraremos o día da poesía con diversas actividades:

Na Biblioteca Municipal Rosalía de Castro (Santa Cruz)
- O martes 20 e o mércores 21 de marzo espectáculo poético visual a cargo de Yolanda Castaño con recitado de poemas da súa autoría para alumnado de 2º de ESO do IES Miraflores (Oleiros).

- Na semana de 19 a 23 de marzo, para usuarias-os infantís, faremos "Pictopoesías“: as nenas e nenos que o desexen poden facer versos utilizando unha ferramenta de Internet denominada “Pictotraductor”, que emprega pictogramas que fan máis doada a lectura.
Cada vez máis os libros teñen que buscar fórmulas que cheguen a todas-os as-os lectoras-es, no noso caso ás-aos usuarias-os da biblioteca, pensando tamén naquelas nenas e nenos que en moitas ocasións teñen dificultades de decodificación, comprensión, atención e concentración...
Do 21 ao 28 de marzo visita a exposición de libros infantís de poemas.

Na Biblioteca Central Rialeda (Perillo)
- Eu leo a...: O 21 de marzo ofreceremos marcapáxinas conmemorativos deste día a todas as persoas que leven en préstamo un libro de poesía escrito en calquera idioma. Son 16 autoras as que "ilustran" cos seus versos os marcapáxinas que agasallamos e animan a escoller as súas obras ou as doutras autor
http://www.mecd.gob.es/cultura/areas/libro/mc/observatoriolect/destacados/2018/marzo/observatorio/descubre-poeta.htmlas. Entre elas, Emma Pedreira, Marilar Aleixandre, Claribel Alegría, Wislawa Szymborska, Rebeca Baceiredo, Edith Södergran, Diana Varela, Sylvia Plath, Eva Veiga, Ledicia Costas, Olalla Cociña.

- O Observatorio de la Lectura y el Libro pon en marcha a campaña #descubrealpoeta. Trátase de averiguar a identidade dunha-dun poeta coa axuda de 8 pistas sobre a súa vida e obra. As pistas irán aparecendo na conta en Twitter @observalibro, dúas ao día, até o 23 de marzo. O 24 e 25 de marzo aparecerán todas as pistas e se poderá participar até o 25 de marzo, ás 24:00 horas, enviando tuits a @observalibro coa etiqueta #descubrealpoeta e o nome da-do poeta que hai que descubrir. As-os gañadoras-os, 3 en total, serán elixidas-os por sorteo entre as-os participantes que acertasen e serán anunciadas-os o 3 de abril. Cada unha-o recibirá un lote de libros de poesía.

Obradoiros para a inclusión social na Biblioteca Central Rialeda

http://www.oleiros.org/c/document_library/get_file?p_l_id=14092&folderId=122559&name=DLFE-27770.pdf
Asociación Participa para a Inclusión Social
Dirixidos a nenas e nenos de 8 a 12 anos (12 participantes en cada sesión), celebraranse ás 18:30 h.
 
É imprescindible reservar praza na Biblioteca Central Rialeda chamando ao 981 639 511. O prazo para inscribirse comeza 10 días antes da realización de cada actividade.

Os obxectivos son informar e sensibilizar a nenas e a nenos sobre a realidade social próxima, a situación das persoas con diversidade funcional, e as posibilidades dunha convivencia e interrelación activa. Xerar actitudes e comportamentos prosociais a favor da normalización social das persoas con diversidade funcional.

- Xoves 22 de marzo: Satélites colgantes
Actividade para que cada participante constrúa un colgante decorativo a partir dun xogo previo sobre as constelacións. Actividade para nenas-os con discapacidade intelectual con autonomía para participar soas-sós co apoio de técnicos especialistas e nenas-os sen afectación.

- Xoves 26 de abril: Onde viven os trasnos
Actividade de montaxe colectiva (con material de reciclaxe) dun fogar inventado para varios personaxes.
Actividade para nenas-os en situación de risco social con autonomía para participar soas-sós co apoio de técnicos especialistas e nenas-os sen afectación.

- Xoves 24 de maio: Historias diferentes    
Actividade de relatos curtos escenificados a partir dos personaxes de varios libros sobre a inclusión da diversidade. Actividade para nenas-os con autismo e síndrome de Asperger con autonomía para participar soas-sós co apoio de técnicos especialistas e nenas-os sen afectación.